MÉLANGES.

Pour Maitre Jean Bonthoux jadis prebtre du lieu de Monteglin, mandement d'Azeliers, diocèse de Gap.

L'an que dessus (1573) et le 5° jour du moys de febvrier a Grenoble pardevant mondict le Sr Reverendissime archevesque d'Ambrun en sa maison du doyenné comme délégué de nostre sainct Père le Pape se seroit présenté Maistre Jean Bonthoux prebtre du lieu de Monteglin, mandement dArzeliers, au diocèse de Gap, eage de 33 ans ou environ lequel auroyt expousé a mondict Sr archevesque que puys les premiers troubles advenus en ce Royaulme de France pour le faict de la religion comme peult estre de douze ans en ça, ou environ il se seroyt desnoue de la foy, scavoyr de la vraye foy et religion de notre mère saincte Église catholicque, apposlolicque et Romeyne et auroyt suivy les hérésies modernes calvinistes huguenotte et faict tout exercisse de ceste hérésie et oppignon.

Ausdictz premiers troubles, auroyt pourté les armes pour le soustenement de ladicte heresie et nouvelle oppignon, soulz la charge de Messrs de Monlbrun et Fermeier depuys lesdictz premiers troubles jusques en lan 1568. quant la guerre pour ladicte religion a durée et en oultre depuys environ six ans sont passees que M° Bonthoux se seroyt marié a une femme nommée Jehanne Gouache du lieu de Trescleoux de laquelle il auroyt heu ung filz masle et une fille qui sont encore vivantz, laquelle sienne femme ou vrayement concubine il auroyt delaissée il y a environ ung an et de ce temps il auroyt renoncé a ladicte fausse doctrine et opignon, auroyt parceu le sainct sacrement de l'autel et esté administré par maistre Jehan Martin, viccaire de Monteglin, depuys auroyt esté a la saincte messe, assisté aux services divins et faict tous les exercisse et profession de la vraye foy de nostre mère saincte Église catholicque, appostolicque et Romayne sans s'estre jamais depuys le susdict temps en aulcune chose desnoué, et d'abondant icelluy Me Jehan Bonthoux ayant sceu la puyssance de rnondict seigneur archevesque qu'il a heu de sa saincteté luy a dechiefz d'abondance de présent habitant a Valence, eagé de trente trois ans ou environ, lequel auroyt expousé a mondict Sr l'archevesque que puys quatorze ans en ça ou environ il se seroyt desnoué de la foy et religion de nostre saincte mere Église catholicque, appostolicque, Romayne, touteffoys maintenant par la bonté et grace de Dieu il desireroit se retorner et remectre au seing et union de nostre mere saincte Église, et pour cet effect il a faict de sa propre bouche et pardevant mondict Sr larchevesque, la confession a la mesme forme contenue au premier acte etc...

Faict les an et jour que dessus, en presences de Mess" Me Anthoine d'Aiguebelle, licencié en droictz et vicaire général au spirituel et temporel du Rme seigneur evesque de Grenoble, Claude Chappuys docteur en droictz et procureur des troys estatz de ce present pais de Daulphiné, Anselme Acquin, chanoyne et precenteur de l'eglise cathédrale nostre Dame de Grenoble, Phelix Basset docteur en droictz et premier consul de la presente cité dudict Grenoble et Mre Francois Audeyer greffier civil du Parlement de ce present pais de Daulphine etc...

Source : gallica.bnf.fr / Bibliothèque nationale de France / Bull. de l’Académie Delphinale (1890)

Avis aux chercheurs et généalogistes :

Qui peut vérifier ce que sont devenus ce fils et cette fille et si le couple de Jean BONTHOUX et Jehanne GOUACHE ont encore de nos jours des descendants ?